Iech höb al ieder aongegeve neet blij te zien mèt 'n evenemint es bove geneump in Mestreech.Mer dat is mien meining.
Es vrijwèlleger bij S.G.L. begeleide iech mèt nog mie luikes cliënte in rolsteul vaan deez instèlling bij hun bezeuk aon Winterland. 't Regende piepestele en koste gelökkeg eve sjuile in 't Theater.
Oonderwijl veer stoonte te kieke nao 't sjaatse moos iech vasstèlle dat de begeleiders koste kieke mer de luikes in de rolsteul neet. Die loerde nao de reklaamutinge op de borde roontelum te sjaatsbaon. Opa's en oma's luuchde ziech 'nen hernia aon de kleinkinder um die ouch get te laote mètkriege vaan wat ziech achter die borde op 't ies aofspäölde.
Boerum noe neet hei en dao 'n transperante plaat tösse gezat.Iech begriep dat reklaaminkomste essentiëel zien mer e reepke vaan 40 cm is al genog um get te kinne zien. En dat daan op versjèllende plaotse.
Organisatie es geer get organiseert daot dat daan veur alle lui. (die dao nao touw wèlle moot geer ouch in de gelegenheid stèlle um te kinne genete vaan zoeväöl meugelek atracties....)
